Нұрсұлтан Назарбаев Қазақстан халқына кезекті Жолдауын жариялауда
17 Қаңтар, 2014 12:07
Бүгін, 17 қаңтар Астанада Парламент палаталарының бірлескен отырысында Нұрсұлтан Назарбаев Қазақстан халқына кезекті Жолдауы: «Қазақстан – 2050: Бір бағыт, бір мақсат, бір болашақ» жариялауда.
«ХХI ғасырдағы Қазақстан – бұл жаңадан құрылған жас мемлекет. Біз оны мақтан тұтамыз. Бұл біздің өзіміз жасаған үлкен жетістігіміз, құндылығымыз. Біз қазақстандықтар өз болашағының жарқын бейнесін көру үшін 2050 Стратегиясын қабылдадық. Бүгін үзақмерзімді жоспар бойынша көптеген мемлекеттер, мәселен: Қытай, Малайзия, Түркия сынды елдер жұмыс істеуде. ХХI ғасырдағы Стратегиялық жоспарлау ең бірінші бағыт болып есептеледі. Болашағын нық айқындаған елге ешкім кедергі келтіре алмайды», - деді Н. Назарбаев.
Айта кетейік, «Болашақ» халықаралық стипендиясының мерейтойлық форумында Нұрсұлтан Назарбаев 2014 жылғы Жолдау «Қазақстан-2050» стратегиясын орындауға арналатынын мәлімдеген болатын.
