• Басты
  • Ақтөбеде жыл бойы жұмыс жасайтын балалар лагері ашылады
8 Қаңтар, 2018 16:23

Ақтөбеде жыл бойы жұмыс жасайтын балалар лагері ашылады

Облыс әкімі Бердібек Сапарбаев «Әсем» балаларды сауықтыру лагерінде болды. Оның жанынан жыл бойы жұмыс жасайтын балалар лагерін ашу жоспарланып отыр.
Ақтөбеде жыл бойы жұмыс жасайтын балалар лагері ашылады | Strategy2050.kz

Балалар демалатын аймақ 13 гектар алаңда орналасқан. Мұнда табиғаттың өзі барлық жағдайды жасап қойғандай: өзен алқабы жақын, талы көп, шөбі мол шабындықтар мен құмды жағажайлар орналасқан. Жуырда лагерьдің аумағында балалардың сабақтан қол үзбей-ақ сол жерде тұрып, демалулары үшін жаңа оқу корпусын салу жұмыстары басталады, деп хабарлады облыс әкімдігінің баспасөз қызметі.

«Елбасы қоғамымыздың басты әлеуеті болып табылатын балалардың жан жақты дамуына қашанда баса назар аударады. Сондықтан, біз облысымызда «Артек» үлгісіндегі жыл бойы жұмыс жасайтын заманауи балалар лагерін ашуға бар күшімізді салуымыз керек. Келешекте ол халықаралық болуы тиіс. Мұнда барлық аудандардан, Қазақстанның басқа облыстары мен көрші елдерден балалар келетін болады», - деді Б.Сапарбаев.

Өткен жылдың жазында 112 мыңнан аса ақтөбелік оқушы жазғы лагерьлерде демалды, бұл оқушылардың жалпы санының 92 пайызын құрайды. Осы мақсатқа жергілікті бюджеттен 152 миллиондай теңге бөлінген болатын.

Облыста барлығы 11 қала сыртындағы, 384 мектеп жанындағы және 37 шатырлы лагерь жұмыс жасайды. Лагерьлерде балалардың шығармашылық тұрғыдан және тұлға ретінде толықтай дамуына, салауатты өмір салтын қалыптастыруға, рухани-адамгершілік  құндылықтарына баулуға және сауықтыруға қажетті барлық жағдай жасалған.

 

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды