Мемлекет басшысы ҚР Қауіпсіздік Кеңесі хатшысының орынбасарын тағайындады
17 Қаңтар, 2014 09:45
Мемлекет басшысының Өкімімен ҚР Қауіпсіздік Кеңесі хатшысының орынбасары тағайындалды, деп Ақорданың баспасөз қызметі хабарлады.
«Азамат Құрманбекұлы Әбдімомынов Қазақстан Республикасы Қауіпсіздік Кеңесі хатшысының орынбасары – Қазақстан Республикасы Қауіпсіздік Кеңесі хатшылығының меңгерушісі қызметіне тағайындалды, ол Қазақстан Республикасы Президенті Әкімшілігінің Стратегиялық әзірлемелер және талдау орталығының меңгерушісі қызметінен босатылды», - делінген хабарламада.
Сондай-ақ, Аяна Тоқтағанқызы Манасова Қазақстан Республикасы Президенті Әкімшілігінің Стратегиялық әзірлемелер және талдау орталығының меңгерушісі қызметіне тағайындалды.
