Ақмола облысында 3446 пәтер пайдалануға берілді

2017 жылғы қаңтар-қарашада тұрғын үй құрылысына инвестициялардың 35596,5 млн. теңгесі бағытталды. Тұрғын үй құрылысы инвестицияларының негізгі капиталға салынған инвестициялардың жалпы көлеміндегі үлесі 15,9% құрады.

Пайдалануға берілген тұрғын ғимараттардың елеулі өскені 2016 жылдың сәйкес кезеңімен салыстырғанда Еңбекшілдер (4,9 есе), Ақкөл (2,9 есе), Сандықтау (84%-ға) аудандарында және Степногор қ.ә. (2,9 есе) белгіленді. Пайдалануға берілген тұрғын ғимараттардың жалпы көлемінің негізгі үлесі Көкшетау қ.ә. (155,5 мың шаршы метр немесе 37,8%) және Целиноград ауданына (145,3 мың шаршы метр немесе 35,3%) келеді.

«Ауылдық және қалалық жердегі пайдалануға берілген тұрғын ғимараттардың жалпы алаңның үлесі, тиісінше, 51% және 49% құрады (2016 жылғы қаңтар-қарашада – 53,4% және 46,6%)», - деп хабарлады статистика департаменті.

2017 жылғы қаңтар-қарашада облыс аумағында жалпы 411,1 мың шаршы метр тұрғын ғимараттар барлық қаржыландыру көздері есебінен пайдалануға берілді, бұл 2016 жылдың сәйкес кезеңіне 125,1% құрады.

Едәуір тұрғын ғимараттар көлемі – 342,6 мың шаршы метр жеке меншік нысаны салушыларымен пайдалануға берілген.