Мәжіліс депутаттары ақмолалық зауыттың жұмысымен танысты
3 Қаңтар, 2018 17:58
Мәжіліс депутаттарының өңірлерге жұмыс сапары аясында Ж. Омарбекова, К. Мұсырман және А. Смағұлов Ақмола облысының Степногор қаласындағы Еуропалық подшипник зауыты қызметкерлерімен кездесті, деп хабарлады Мәжілістің баспасөз қызметі.
Онда халық қалаулылары өндіріс цехтарын аралап, кәсіпорынның қуаттылығымен танысып, зауыт жұмысшылары депутаттарға сұрақтарын қойып, жауаптар алды.
«Біз өндіріс процесін өріп, жұмысшылармен пікір алмастық. Бұл жерде зауыт қызметкерлері үшін барлық жағдай жасалған. Әлеуметтік жеңілдіктермен қоса үш мезгіл аспен қамтылған. Орташа жалақы 130-150 мыңды құрайды. Әр жұмысшыға сапалы медициналық көмек көрсетіледі»,- деді, өз сөзінде Мәжіліс депутаты Жанат Омарбекова.
Жұмыс сапары барысында халық қалаулыларына қалалық орталық аурухана қызметкерлерімен кездесіп, медициналық сақтандыру, әйелдердің зейнетке шығу жасы, зейнетақы қорындағы қаражаттың сақталуы турасында бірқатар сұрақтар қойылып, тұшымды жауап берілді.
