Жамбыл облысында «Хантау» цемент зауытының құрылысы қайта жанданды

«Елбасы Нұрсұлтан Назарбаев Жамбыл облысына жасаған жұмыс сапары барысында жергілікті атқарушы орган басшыларына осындай міндеттеме жүктеген болатын.  Елбасының тапсырмасын орындау барысында аталмыш зауыт  қайта жаңғырды», - делінген акиматта.

«Хантау» цемент зауытының құрылысы – 2010 жылы қолға алынған еді. Жобаны жүзеге асыруға 8 млрд  250 млн теңге қаралған-ды. Бұдан бөлек зауытқа дейін теміржол тармақтарын салу үшін бизнестің жол картасы бағдарламасы бойынша  тағы да 342 млн теңге  бөлінген. Өндірісті іске қосу үшін облыс әкімдігі мұнда жаңа инвесторлар тартты. Аудандарға жұмыс сапары кезінде облыс әкімі Кәрім Көкірекбаев та аталған нысанды аралап көрді. Инвесторлар мен құрылысшылармен жиын өткізіп, құрылыс барысын қатаң бақылауға алатындығын жеткізді. Қазіргі кезеңде барлық жұмыстар барынша жандандырылды.  

Зауыттың өндірістік қуаттылығы – жылына 500 мың тонна цемент шығару деп жоспарланған. Өнімді «құрғақ» технологиямен шығару – электр энергиясын айтарлықтай үнемдеп, экологиялық қауіпсіздікті  қамтамасыз етеді. Қазір негізгі өндірістік кешенді салу 85 пайызға аяқталды. Инфрақұрылым құрылысы қатар жүргізілуде.

Қазір құрылыс алаңында 300 ден астам адам жұмыс істеуде. Көпшілігі жергілікті тұрғындар. Солардың бірі – Роза Ысқақова.

Сондай-ақ, Қазақстан Республикасының 2010-2014 жылдарға арналған құрылыс және құрылыс материалдары өндірісін дамыту бағдарламасына сәйкес, цемент өндірісі жылына 19,5 млн тоннаға жетті. Бағдарламаны жасаушылардың есебінше, ішкі қажеттілік 15 млн тоннаны құрамақ. Сондақытан Қазақстан алдында  цементті импорттаушы елден экспорттаушыға айналу міндеті тұр. Ал Хантау жобасының мердігерлері нысанды сәуір айында пайдалануға береміз деп отыр.