• Басты
  • Ақтөбеде «Нұрлы жол» бағдарламасы аясында екі жаңа мектеп ашылды
29 Желтоқсан, 2017 09:58

Ақтөбеде «Нұрлы жол» бағдарламасы аясында екі жаңа мектеп ашылды

Облыс әкімі Бердібек Сапарбаевтың, педагогикалық қоғамдастық пен және ата-аналардың қатысуымен жаңа білім беру мекемелері салтанатты түрде ашылды.
Ақтөбеде «Нұрлы жол» бағдарламасы аясында екі жаңа мектеп ашылды

Ә.Бөкейханов атындағы №67 орта мектебі Ақшат ауылының 300 оқушысына өз есігін айқара ашты. Оқу орны «Нұрлы жол» мемлекеттік бағдарламасы аясында салынған. Осы уақытқа дейін мұнда саз балшықтан жасалған ғимаратта орналасқан бастауыш мектеп қана болған.

«Мемлекет басшысы өскелең ұрпақтың тәрбиесі мен білім алуына ерекше назар аударып келеді. Бұл бағытта біздің өңірде көптеген жоспарлы жұмыстар жүргізілуде. Тәуелсіздік жылдарында облысымызда 125 мектеп тұрғызылды, мектепке дейінгі ұйымдар желісі 457 бірлікке дейін көбейтіліп, жалпы, мектепке дейінгі біліммен балалардың 96%-ы қамтылған»,-деді аймақ басшысы мектептің ашылу салтанатында.

Ол өңірде барлығы 31 мектеп салынып жатқанын, оның 15-і биыл пайдаланылуға берілгенін атап өтті. Сондай-ақ, Ақтөбеде балалардың демалысын ұйымдастыру, олардың қабілеттерін үйлесімді дамыту мақсатында мың орынға арналған Шығармашылық орталық жұмыс жасай бастады, «Жекпе жек сарайында» болашақ чемпиондар мен олимпиада жеңімпаздары жаттығуда.

«Бар-жоғы бір жылда тұрғызылған жаңа мектепте заман талабына сай барлық жағдай жасалған. Мектептің мұғалімдер құрамы болашақта ел дамуына елеулі үлес қосатын жоғарыбілімді жастарды тәрбиелеуге барлық күш-жігерін жұмсауға тиіс», - деп атап өтті облыс әкімі.

 Қонақтар зертханалар, мультимедиялық кабинеттер және интерактивті тақталармен жабдықталған кабинеттермен қамтамасыз етілген ғимаратты қарап шықты. Мектепте демалыс және дене-шынықтыру-спорттық аймақ бар. Инклюзивтік білім беруді дамыту шеңберінде тірек-қозғалыс аппараты мүшелерiнiң функциялары бұзылған, мүмкіндіктері шектеулі балаларды жеделсаты, пандус, арнайы жиһазбен қамтамасыз ету шаралары қарастырылған. 300 орынға арналған мектеп құрылысына бюджет есебінен 864 млн. теңге жұмсалды.

Сонымен қатар, облыс әкімі «Болашақ» жаңа шағын ауданындағы №68 орта мектептің ашылуына қатысты. Ол мұғалімдердің  қиын еңбектері үшін алғыс білдіріп, қызметтерінде озық инновациялық технологияларды қолдануға шақырды.

Жаңа оқу орны 755 млн. теңгеге салынды. Оқу орнында балалардың оқуы мен дамуы үшін барлық қажетті жағдайлар қарастырылған.

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды