• Басты
  • Жаңалықтар
  • СІМ басшысы Түрікменстандағы қазақ диаспорасының өмірі туралы айтып берді

СІМ басшысы Түрікменстандағы қазақ диаспорасының өмірі туралы айтып берді

28 Желтоқсан, 2017 11:32
Бүгінгі таңда Түрікменстан аймағында 20 мың этникалық қазақ өмір сүреді, олардың басым бөлігі осы елдің азаматы, деді Сенаттың жалпы отырысында Сыртқы істер министрі Қайрат Әбдірахманов.

СІМ басшысы айтып өткендей,  шетелде  тұрып жатқан  отандастарды  қолдау сыртқы істер ведомствосының басым бағыттарының бірі.

«ҚР Президентінің тікелей тапсырмасына ерекше көңіл бөлеміз, биыл өткен Дүниежүзілік қазақтардың құрылтайының өтуіне   де назар аудардық. Түрікменстандағы қазақ диаспорасының саны белгілі себеппен азайды – олар өз Отанына оралды.  Мәліметтер бойынша, бүгінде Түрікменстан аймағында  20 мың этникалық қазақ өмір сүреді», - деді Қ.Әбдірахманов.

Министр салыстырмалы түрде мысал келтірді, 1990 жылы  олардың саны  120 мың адамды құрады, этникалық қазақтардың көп бөлігі Түрікменстан азаматы болды.

«Өз кезегінде, Қазақстанның Маңғыстау аймағында  3 мың этникалық түрікмен өмір сүреді.Ел басшылығы мен сыртқы істер ведомствосының тапсырмасы бойынша біздің Ашхабадтағы елшілік қазақ диаспорасымен тығыз байланыс орнатқан. Осы орай, біз биліктің толық қолдауына иеміз, қазақ диаспорасымен бірлескен шаралар өткіземіз», - деді СІМ басшысы.

Оның айтуынша, қазақстандық дипломаттар Түрікменстандағы   қазақ диаспорасына елдің мемлекеттік, ішкі және сыртқы саясатын жеткізіп тұрады.

Айта кетейік, сенаторлар  «Қазақстан мен Түрікменстан  арасындағы стратегиялық  серіктестік туралы келісімді ратификациялау туралы» Заң жобасын қабылдады.

Қ.Әбдірахманов айтқандай, аталған Келісім  Түрікменстандағы қазақ диаспорасын таныстыруға ықпал етеді.

Ақбота Күзекбай

 

Барлық жаңалықтар