Ақтауда МЖӘ аясында бірнеше медициналық нысан ашылды
Медициналық жаңа нысан - омыртқа мен буын жолдары ауруларының алдын алу және оңалту қызметтерін жүзеге асырады.Орталық тәулігіне 80 науқасқа медициналық қызмет көрсетуге қауқарлы. Дәрігерлік және медбикелік іс бойынша 12 маманды жұмыспен қамтып отыр.Ғимараттың құрылысына 700 мың АҚШ доллары жұмсалған.
Бүтіндей қос шағынаудан жұртшылығына 5 жылдан бері мемлекеттік сақтандырылған тегін медициналық көмек көрсететін жетекші орталық - 4 қабатты жаңа, заманауи ғимаратта қызметін жалғастырмақ.
«Нейрон» медициналық орталығында 285 маман халық игілігіне қызмет етуде. Оның 25-і арнайы шақыртылған дәрігерлер, 2 медицина ғылымдарының кандидаты. Сонымен қатар, жаңа ғимаратты пайдалануға беру арқылы, қосымша 50 жаңа бос жұмыс орнымен толықты.
Сондай-ақ, бүгін кекушинкай каратэден әскери аула клубы ашылды. Жаңа нысанның негізгі бағыты - кекушинкай каратэ спортын дамыту және өсіп келе жатқан өскелең ұрпаққа насихаттау, спортшыларға, қала тұрғындарға спортпен айналысуға жағдай жасау болып табылады. Залда күніне 100 адам жаттыға алады. Күніне 5 адамды жұмыспен қамтыған нысанның құрылысына 10 млн.теңге жұмсалған. Ғимарат 32 шағынауданда орналасқан.
«Ақмаржан қала Ақтауымызда спортты дамыту мақсатында көптеген жұмыстар атқарылды. Оның дәлелі 2017 жылы салынған Маңғыстау Арена, Батыр, Меловойсекілді спорт кешендерінің салынуы. Бұл спорттық кешендерде спортпен айналысуға толық жағдай жасалған. Сонымен қатар Ақтау қаласында спортқа жастарды баулу мақсатында көптеген воркаут алаңдары және де демеушілер арқылы көше тренажерлері салынуда. Міне бүгін кекушинкай каратэден әскери аула клубының ашылуыда біз үшін үлкен мәртебе. Спорттың қай түрі болмасын, оның дамуы біз үшін өте үлкен қуаныш»,-деді аймақ басшысы Ералы Тоғжанов.
