Қазақстанның және Беларусьтың авиациялық биліктері екіжақты ынтымақтастық мәселелерін талқылады - ККМ

16 Қаңтар, 2014 16:23

Қазақстан Республикасы және Беларусь Республикасы авиациялық биліктерінің өкілдері Алматыда кездесіп, әуе көлігі саласындағы екіжақты ынтымақтастық мәселелерін талқылады. Минск-Астана желісіндегі жолаушылар тасымалының өсуін белгілеп, елдер арасындағы бағдарлар желісін кеңейту мүмкіндігін қарастыруға келісті.

Атап айтқанда қазақстандық жақпен белорусстық тасымалдаушыларға Беларусьтан Астана, Алматы, Қарағанды, Қостанай және Павлодар бағыттары бойынша аптасына 10 реттік жиілікпен жүйелі түрде тура ұшатын рейстерді жасау ұсынылды. Өз кезегімен қазақстандық тасымалдаушыларға дәл сондай жиілікпен жүйелі түрде Минск, Витебск, Гомель, Брест және Гродно белорусстық қалалар бағыттары бойынша тура ұшатын рейстерді жасау ұсынылды.

Кездесу қорытындылары бойынша екі елдің авиациялық биліктері өздерінің әуе компанияларына Беларусь және Қазақстан аумақтары аралығында әуе қатынасын ұйымдастыру мәселелерін тыңғылықтауды, сонымен қатар сәйкес коммерциялық келісім жасау мүмкіндігін қарастыруды ұсынды.

«Әуе бағдарлары желісінің дамуы туралы шешім екі факторды ескерумен қолданылады: біріншіден, осындай әуе тасымалдарына халық арасындағы сұранысты бағалау қажет, екіншіден, олардың эконономикалық пайдалылығын ескеру қажет» деп, белгіледі ҚР ККМ Азаматтық авиация комитеті төрағасының орынбасары Талғат Ластаев.

Ол сонымен бірге әуе бағдарларының кеңейтілуі туралы ұсыныс белорусстық жақпен ағымдағы жылдың 30 қаңтарына дейін қарастырылатынын айтып өтті.