2020 жылға қарай Қазақстанның мұнай өндіру деңгейі тәулігіне 2 млн баррельді құрайды – МГМ

16 Қаңтар, 2014 15:45

2020 жылға қарай Қазақстанның мұнай өндірісі тәулігіне 2 млн баррельді құрайды, деп мәлімдеді бүгін Астанадағы KAZENERGY Кеңесі қауымдастығының 15-інші отырысында ҚР Мұнай және газ министрі Ұзақбай Қарабалин.

«Біздің алдын ала болжам бойынша, 2020 жылы Қазақстандағы мұнай өндірімі тәулігіне 2 млн баррельге дейін жетпек», - деді Ұ.Қарабалин.

Оның айтуынша, тәулігіне 1,6 млн баррель мұнай өндіріп, үш есеге дейін артса, жылына 40 млрд куб метр газ өндіріп, аталмыш өндірісті 5 есеге дейін арттырдық.

«Қазіргі таңда Қазақстандағы көгілдір отын қоры жеткілікті деңгейде. Яғни сұранысты қанағаттандырады. Сонымен қатар, газдың бір бөлігін біз шет елдерге де сатамыз. Алынған көгілдір отынның көп бөлігін біз қайтадан пластаға қотарып, кен орнына саламыз. Бұл технология барынша қысымды арттыруға және өзге де шараларға тиімді. Осы арқылы көгілдір отын көбірек өнім алуға мүмкіндік береді», - деді министр.

Естеріңізге сала кетейік, бүгін Астанада KAZENERGY Кеңесі Қауымдастығының 15-інші отырысы өтуде. Кеңес Қауымдастығы кеңес беру-ақылдасу органы болып табылады, оның жұмысына отандық және шетелдік мұнай-газ және энергетика саласының басшылары қатысады.

Барлық жаңалықтар