Дариға Назарбаева Франция елшісімен кездесті
26 Желтоқсан, 2017 15:29
Парламент Сенатының Халықаралық қатынастар, қорғаныс және қауіпсіздік комитетінің төрағасы Дариға Назарбаева Франция Республикасының Қазақстандағы Елшісі Филипп Мартинмен кездесті.
Әңгіме барысында парламентаралық ынтымақтастықты нығайтудың перспективалары талқыланды, деп хабарлады Сенаттың баспасөз қызметі.
«Парламенттік делегациялармен алмасу тәжірибесін жалғастыру,біздің елдеріміздің заңнамалық органдарының тиісті комитеттері мен аппараттары деңгейінде байланыстар орнатуды парламентаралық өзара іс-қимылға жаңа серпін беретініне сенемін», - деді Франциямен ынтымақтастық жөніндегі топтың басшысы Дариға Назарбаева.
