• Басты
  • Үкіметі валютаны реттеу саласындағы заң жобасын мақұлдады
26 Желтоқсан, 2017 15:07

Үкіметі валютаны реттеу саласындағы заң жобасын мақұлдады

ҚР Премьер-Министрі Бақытжан Сағынтаевтың төрағалығымен өткен Үкімет отырысында Ұлттық банк төрағасы Данияр Ақышев «Валютаны реттеу және валютаны бақылау мәселелері жөніндегі заң жобасын» таныстырды.
Үкіметі валютаны реттеу саласындағы заң жобасын мақұлдады | Strategy2050.kz

 «Заң жобасының басты міндеті – валюталық операциялардың статистикалық мониторингін қамтуды кеңейту және Қазақстан аумағында шетел валютасын пайдалануды қысқарту. Аталған нормаларды іске асыру валюталық операциялар туралы ақпаратты таратуды ұлғайтады, валюталық бақылаудың тиімділігін арттырады, оның ішінде елден ақша қаражатын шығаруға қарсы әрекеттердің тиімділігін арттыруға жол ашады», — деді Данияр Ақышев.

ҚР Ұлттық банкінің төрағасы негізгі өзгерістер ретінде мыналарды атап өтті: шетелдік ұйымдардың бөлімшелерін резидент ретінде тану; трансшекаралық сипаттағы валюталық операциялардың ауқымын кеңейту; капиталды шығаруға бағытталған операциялар бойынша валютаны бақылауды күшейту, сондай-ақ Қазақстан аумағында валюталық құндылықтардың айналымын түсіндіру және резиденттер арасында рұқсат етілген валюталық операциялардың тізбесін анықтау. Сонымен қатар Данияр Ақышев заң жобасында либералдық валюталық режимнің қағидаларын сақтау қарастырылғанын атап өтті.

«Ешқандай қаталдандыру жоқ, бұл шарттарды қаталдандырумен ешқандай байланысы жоқ жоспарлы заң жобасы», — деп түсіндірді Үкімет отырысының қорытындысы бойынша журналистердің сұрақтарына жауап берген ҚР Ұлттық банкі төрағасы.

Данияр Ақышевтің айтуынша, Қазақстанның ДСҰ-ға кіруінен кейін бөлімшелер мен өкілдіктер санының ұлғаюы күтіледі, бұл ел ішінде шетел валютасындағы төлемдердің ұлғаюына әкеледі, ол ұлттық мүдделерге сәйкес келмейді. 

«Осыған байланысты қазақстандық контрагентпен шетелдік ұйымдар бөлімшелерінің есептерін теңгеге аудару ұсынылады. Сонымен бірге осы заңның енгізілуіне дейін қол қойылған шарттарға қатысты жағдайдың нашарлауына еш себеп жоқ», - деді Ұлттық банк төрағасы. 

Ақбота Күзекбай 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды