Атырау облысында 2014 жылы 6 жылыжай ашылады
16 Қаңтар, 2014 15:24
Атырау облысында 2014 жылы 6 жылыжай ашу жоспарлануда, деп хабарлайды облыстың ішкі саясат басқармасы.
«Жылыжай шаруашылығы жыл санап дамып келеді. Биыл 6 жылыжай салынады, тағы 3 жылыжайдың құрылысы басталады», - делінген хабарламада.
Хабарламада айтылғандай, 2013 жылдың қорытындысы бойынша өңірдің егістік шаруашылығы 6 мың гектарға жетті, осы жерден 51 тың тонна көкеніс жиналған.
Облыс аумағында 252 гектарға көпжылдық жеміс-жидек пен түрлі ағаштар егілген. 2014 жылы жеміс-жидек бағын тағы 55 гектарға арттыру жоспарланған.
Сонымен қатар, өңірде тамшылатып суару технологиясы да енгізілуде. 2013 жылы 413 гектар жерді алып жатқан 11 шаруашылықта қолданылды.
