Елордалық 10 мың оқушы «Астана Опера» театрын тамашалады
«Оқушыларды Өнер ордасына экскурсияға алып келу мәселесі Астана қаласының білім басқармасымен бірігіп шешілген болатын. Мектептен келетіндердің кестесі құрылып, соған сәйкес күніне театрға 3-4 оқушылар тобы келіп қайтатын», - делінген театрда.
«Театр Елбасы Н. Назарбаевтың бастамасымен тек әдемі қойылымдар жүргізу үшін емес, сонымен қатар әрбір адам осы тамаша ғимаратқа келіп, сәулет өнерінің керемет қолтаңбасына сүйсініп, сахна сыртына үңіліп, инженерлер ебін білетін таң қалдырарлық сахнаның күрделі құрылымы мен техниканың заманауи шешімдерін көру үшін салынған. Әсем театрға келген балалардың талғамы да жақсы болып қалыптасады», - деп атап өтті «Астана Опера» театрының директоры Төлеген Мұхамеджанов.
Айта кетерлігі, театр мұражайы қазақстандықтарды мамыр айында таң қалдыратын жаңа көрме дайындап жатқанын айта кеткен жөн. Экспозицияда бүкіл ғұмырын Қазақстан өнерінің төріне арнаған атақты опера және балет әртістері, композиторлар мен суретшілердің костюмдері қойылады.
