Ақмола облысында екі туристік нысан ашылды

Ақкөл ауданының Красный Горняк ауылында «Family Garden» туристік демалу аймағы ашылды. Жаңа нысанның инфрақұрылымы мейрамхана кешені мен бильярд, караоке, vip-зал, ойын аймағын қамтиды. Демалу орнында  жеке моншасы бар екі vip-коттедж бар. Жазғы маусымда велосипед пен квадрацикл қарастырылуда.

«Бұл демалу аймағы тәулік бойы жұмыс істейді. Бір мезетте  100 адамға қызмет көрсетуге болады. Отбасылық демалыс, тренинг, мәдени ойын-сауық шараларын өткізу қарастырылған. Бұл шетелге шықпай, елімізде сапалы қызмет көрсетіп, туристерді тартуға болатынына дәлел ретінде ашылған туристік демалыс орны», - деді Family Garden компаниясының өкілі.

Сондай-ақ, Щучье қаласында қонақ үй-мейрамхана кешені ашылды. Кешен  3 қабаттан тұрады, оның алаңы  703 шаршы метрге тең.