Н. Назарбаев: Қырғызстан мен Қазақстан арасында шешілмейтін мәселе жоқ

25 Желтоқсан, 2017 17:47

Қазақстан Қырғызстанның негізгі серіктесі әрі инвесторы болып табылады. Елдер арасындағы тауар айналымы 10 айда 13 пайызға артты. Бұл туралы Қазақстан Президенті Нұрсұлтан Назарбаев кездесу барысында мәлімдеді.

«Бауырлас елдер арасындағы қарым-қатынастың жаңа парақшасы ашылғанына сенемін. 25 жыл ішінде біздің ынтымақтастығымыз нығайды. 15 құжатқа қол қойылды. Бұл көрсеткіш өзге елдер бойынша орнатылған жоқ», - деді Елбасы.

Президент айтып өткендей, биылғы жылдың 10 айында сауда айналымы 13 пайызға артты.

«Қазақстан мен Қырғызстан арасында шешілмейтін мәселе жоқ. Қазақстан Қырғызстанның негізгі серіктесі әрі инвесторы болып табылады. Елдер арасындағы тауар айналымы 10 айда 13 пайызға артты. Осы жылдары қырғыз экономикасына 650 млн доллар инвестиция құйылды. Бірқатар бірлескен кәсіпорындар бар. Қазақстанда қырғыз капиталының қатысуымен 700-ден астам кәсіпорын бар. Біз Еуразиялық интеграция аясында жұмыс істеп отырымыз. Тар шеңберде біз ірі өңірлік, саяси мәселелерді қарастырдық», - деді Н.Назарбаев.

Сондай-ақ, Елбасының айтуынша, екі елдің Үкіметі екі жақты да толғандырған мәселелерді шешу бойынша ауқымды жұмыс атқарды.

Қазір Ақордада Қазақстан мен Қырғызстан Президенттерінің қатысуымен кеңейтілген отырыс өтіп жатыр.

Ақбота Күзекбай