Павлодарлықтар жаңа форматтағы атаулы әлеуметтік көмек алатын болады

2018 жылдан бастап мемлекеттік атаулы әлеуметтік көмек жаңа форматта ұсынылады, бұл туралы кездесу барысында белгілі болды.

Жұмыспен қамтуды үйлестіру  және әлеуметтік бағдарламалар басқармасының бастығы Сергей Яковенконың айтуынша, төмен табысты еңбекке қабілетті азаматтарға атаулы әлеуметтік көмек  олардың жұмысқа орналасуына және әлеуметтік бейімделу бағдарламаларына белсенді болуы үшін беріледі.

 «Аз қамтылған отбасылардан шыққан үміткерлерге жұмысқа орналасуға жәрдемдесуге бағытталған белсенді шараларға қатысқан жағдайда, қолдау көрсету шартты қолма-қол ақшалай көмек түрінде көрсетілетін болады», - деді ол.

Сонымен қатар, объективті себептер бойынша табыс табу мүмкіндігі жоқ азаматтарға сөзсіз көмек көрсетіледі. Олардың қатарына ересек жастағы адамдар, денсаулық жағдайы, мүгедектігі, 7 жасқа дейінгі балалар мен мүгедекетер күтімі жатады.

Облыс әкімі Құмар Ақсақалов мұқтаж адамдарға әлеуметтік көмек көрсетілетінін атап өтті.