Қырғызстан Президенті Сооронбай Жээнбеков Астанаға келді
25 Желтоқсан, 2017 15:07
Қырғызстан Республикасының Президенті Сооронбай Жээнбеков ресми сапармен Қазақстан астанасына келді.
Сапар аясында Сооронбай Жээнбековтың Қазақстан Республикасының Президенті Нұрсұлтан Назарбаевпен кездесуі тар шеңберде және кеңейтілген форматта өтеді.
Бұқаралық ақпарат құралдарының хабарлауынша, келіссөздер барысында екі елдің басшылары екіжақты ынтымақтастықтың өзекті мәселелерін және ЕАЭО аясында ынтымақтастықты талқыламақ.
С.Жээнбековтің ресми сапарынан кейін бірқатар құжаттарға қол қойылады. Сонымен қатар, сапар аясында Сооронбай Жээнбековтің Қазақстан Республикасының Премьер-Министрі Бақытжан Сағынтаевпен кездесуі жоспарланған.
