Еуропалық Одақ Қазақстан азаматтары үшін визалық режимді жеңілдету туралы ниетін білдірді

25 Желтоқсан, 2017 14:27

Жуырда Еуропалық Одақ қазақстандықтарға визалық режимді жеңілдету мәселесін қарастырады, деп мәлімдеді ҚР сыртқы істер министрі Қайрат Әбдірахманов Мәжілістегі үкімет сағаты барысында.

«Еуропалық Одақ Қазақстан халқын жағымды жаңалықпен қауыштырмақ. Жақын арада ЕО Қазақстан Республикасының азаматтары үшін визалық режимді жеңілдету мәселесін қарастыруда. Біз сыртқы саясат ведомствосы, осы бағытта жұмысымызды әрмен қарай жалғастырамыз », - деп журналистерге Қайрат Әбдірахманов мәлімдеді.

Өз кезегінде ҚР Парламенті Мәжілісінің депутаты Мәулен Әшімбаев, бұл Қазақстанның барлық тұрғындары үшін өте маңызды шешім деп хабарлады.

«Соңғы жылдары Қазақстан, өз азаматтары үшін Еуропа елдеріне, әсіресе, ЕО-ға барып келетін режимін жеңілдету үшін барын салып жатыр. Нақты шешім әлі қабылданбағанымен, ЕО қазір бұл мәселені мұқият қарастырып жатқанын мәлім етті», - деді Әшімбаев

Депутаттың айтуынша, қазақстандық дипломаттар біздің азаматтарымыз үшін жеңілдетілген визалық режімде ЕО-ға бару үшін белсенді жұмыс атқаратынын сөз етті.

Естеріңізге сала кетейік, бұдан бұрын сыртқы істер министрі БАӘ мен Таиланд елдеріне визасыз режімнің орнағаны туралы хабардар еткен.

Ақбота Күзекбай