• Басты
  • Әскери қызметшілерді баспанамен қамтамасыз ету бойынша қауырт желі ашылды

Әскери қызметшілерді баспанамен қамтамасыз ету бойынша қауырт желі ашылды

25 Желтоқсан, 2017 16:14
ҚР Қорғаныс министрлігінде әскери қызметшілерді баспанамен қамтамасыз етудің жаңа тетігі мәселелері бойынша кеңес өткізілді, деп хабарлады Қорғаныс министрлігі.

ҚР Қорғаныс министрінің орынбасары генерал-лейтенант Талғат Мұхтаровтың жетекшілік етуімен бас басқармалардың, түрлердің, әскер тектерінің, әскери бөлімдердің заң қызметтерімен, өңірлік пайдалану бөлімдерінің өкілдерімен, Ақмола гарнизонының заңгерлерімен тұрғын үй қарым-қатынастары мәселелері жөнінде Қазақстан Республикасының заңнамалық актілеріне енгізілген өзгерістер мен толықтырулар бойынша сслекторлық кеңес өткізілді.

Әскери қызметшілерді баспанамен қамтамасыз ету жүйесін жетілдіру мақсатында Мемлекет басшысы әскери қызметтің беделін, әскери қызметшілер мен олардың отбасы мүшелерінің әлеуметтік-құқықтық мәртебесін арттыруға бағытталған «Тұрғын үй қарым-қатынастары мәселелері бойынша Қазақстан Республикасының кейбір заңнамалық актілеріне өзгерістер мен толықтырулар енгізу туралы» Заңға қол қойды.

Осыған орай, отырыста тұрғын үй қарым-қатынастары мәселелері жөнінде Қазақстан Республикасының заңнамалық актілеріне енгізілген өзгерістер мен толықтыруларды іске асыру тәртібінің мәселелері қаралды. Қосымша әскери қызметшілерді баспанамен қамтамасыз етудің жаңа тетігі мәселелері бойынша түсіндірме жұмысын сапалы жүргізу үшін барлық 18 өңірлік пайдалану бөлімінде қауырт желі ашылды.


 

Барлық жаңалықтар