Алматы облысында ШОБ саласында 30 мың жұмыс орны ашылды
25 Желтоқсан, 2017 11:13
Алматы облысында шағын және орта бизнес саласында бір жылда 30 мыңға тарта жұмыс орны құрылды, деп хабарлады облыс әкімдігі.
Алматы облысында шағын және орта бизнестің қарқынды дамуы байқалады. Жыл қорытындысы бойынша өнеркәсіп өндірісінің көлемі 750 млрд. теңгеге жуық болды. Сонымен қатар, 30 мыңға тарта жұмыс орны құрылды.
«Бұл ретте облыс кәсіпкерлері үлкен роль атқарды. Бизнестің жетістігі «Парыз», «Алтын сапа» сынды байқаулардағы жеңіспен атап өтілді», - деп әкімдіктен атап өтті.
Сонымен, жыл қорытындысы бойынша жалпы өңірлік өнім 2,5 трлн. теңгеге жетті. Соның 30% жуығы шағын және орта бизнестен құралып отыр. Бүгінгі күні Алматы облысының кәсіпкерлік саласында 280 мың адам жұмыс істейді, немесе облыстың әрбір үшінші тұрғыны жұмыс істейтіндер қатарында, олар жергілікті бюджет түсімінің 43%-ін құрап отыр.
