Алматыда туризмді дамытудың кешенді бағдарламасы жасалуда
Кездесу барысында Алматы әкімі бүгінгі күні туризмнің әлемдік ІЖӨ-нің 10 пайызын құрайтынын, бұл трендтің одан әрі өсе беретінін, сондықтан «Алматы-2020» бағдарламасында туризмнің қала экономикасының әлеуетті салаларын дамытуда жаңа драйвер болатынын атап өтті.
«Қазірдің өзінде Қазақстанға келген әрбір екінші шетелдік қонақ Алматыда болады, дегенмен қаланың ІЖӨ-де туризмнің үлесі төмен, небәрі 1,5%-ды құрайды. Туризмді дамытуға қатысты 10 бәсекеге қабілетті және басқа елдерде жүргізілген сараптама барысында Алматыда туризмді өрістетудің драйверіне айналатын басымдықтар бар екені анықталды. Олардың арасында Ұлы Жібек жолындағы қаламыздың мың жылдық тарихын, ЮНЕСКО-ның Бүкіләлемдік ескерткіштерінің қатарын, дамыған инфрақұрылым мен табиғаттың алғашқы көріністеріне жақындығын келтіруге болады. Алматы Орталық Азияның туристік астанасы болуға қабілетті», - деп атап өтті Б.Байбек.
Мәселен, алматылық турөнімнің бәсекеге қабілеттілігі жөніндегі 25 ел мен қалалар рейтингі бойынша жүргізілген сараптама Қазақстан мен Алматының 22 рейтингте сенімді позицияларда тұрғанын көрсетті.
Bloom Consulting сәйкес ел танымдылығы бренді бойынша біз 193 елдің арасында 98 – ші орындамыз, ал. Doing Business рейтингінде 190 елдің ішінен 36-шы орынды иелендік, құн мен Mercer өмірінің сапасы бойынша 400 елдің ішінен 178 орынға шықтық. Бұлар жайлы өмір сүурмен қатар бизнесті жүргізуге қолайлы нормативті орта мен мүмкіндіктің бар екенін көрсетеді.
Іскерлік Кеңеске қатысушылар Алматыда туризмді дамытуға қолайлы ортаның қалыптасқанын, қала келбетінің тартымдылығын, туристік дестинацияның дамуына спорттық, этно-мәдени, медициналық және оқиғалы туризмнің оң ықпал ететінін айтты.
Дегенмен, орталықтан шешетін бірқатар мәселелер баршылық. Олардың қатарына туризм статистикасын жетілдіруді, тік бағыттар бойынша авиа билеттерін қолжетімді етуді, виза алуды оңтайландыруды және басқаларын жатқызуға болады. Басқа да бірқатар мәселелер сөз болды. Мысалы, бюджеттік орналастыру барынша танымал болғанына қарамастан, заңнамада хостел ұғымы мүлдем жоқ, бұл осы бағыттың дамуына кедергі келтіруде. Алматыда соңғы жылдары хостелдер саны екі есеге артты, 60-тан 120-ға жетті.
Іскерлік кеңес отырысының қорытындысы бойынша мегаполис әкімі тиісті басқармаларға 2020 жылға дейінгі Алматыда туризмді дамытудың кешенді бағдарламасын әзірлеу кезінде көтерілген сұрақтар мен ұсыныстарды есепке алуға тапсырды.
