Щучье-Бурабай курорттық аймағының дамуына үш жылда 61,4 млрд теңге бөлінеді
25 Желтоқсан, 2017 09:24
Бұл қаржыны 2017-2020 жылдарға арналған Щучье-Бурабай курорттық аймағын дамыту жоспарының үшінші кезеңі аясында бөлу жоспарланған.
Ақмола облысының әкімі Мәлік Мырзалин Бурабайда Щучье-Бурабай курорттық аймағын дамыту мәселелері бойынша кеңес өткізді.
Облыс әкіміне Щучье-Бурабай курорттық ауданының даму жоспарын жүзеге асырудың 3-ші кезеңінің нысанын таныстырды.
Мәлік Мырзалин Бурабай аймағы мен Щучье қаласын дамытудың Бас жоспарымен танысты.
2017-2020 жылдарға арналған Щучье-Бурабай курорттық аймағын дамыту жоспарының үшінші кезеңі аясында 61,4 млрд теңгенің 34 шарасын қамтиды. Республикалық бюджеттен 58,2 млрд теңге, жергілікті бюджеттен 3,1 млрд теңге бөлу жоспарланған.
