Украинадағы қазақстандық ҰОС жауынгерінің сүйегі елге жеткізіледі
Киевте Украинада қайтыс болған қазақстандық Ұлы Отан соғысының жауынгері Айып Рамазановтың сүйегін тапсыру бойынша салтанатты акция өтті, деп хабарлады Сыртқы істер министрлігінің баспасөз қызметі.
Қазақстанның Украинадағы елшілігі сүйекті Қазақстанға тапсыру бойынша барлық құжаттық рәсімдеуді жүзеге асырды. Шараға Қазақстанның Украинадағы елшісі Самат Ордабаев пен КУкраинаның Ұлттық қауіпсіздік қызметінің төрағасы Василий Грицак қатысты.
СІМ-де хабарлағандай, Украинаның Ұлттық қауіпсіздік академиясының курсанттары жүргізген іздеу жұмыстары қорытындысында Киев облысының Березань қаласына жақын жерде ҚазКСР Солтүстік Қазақстан облысының тумасы ҰОС жауынгері Айып Рамазановтың сүйегі табылды. Ақпарат бойынша Рамазанов Айып КСРО ҚК қатарына 1941 жылы шақырылып, 1942 жылдың 29 қаңтарында іс-түссіз жоғалған.
