Беларусьтің газ отынымен жүретін автобустары Көкшетауда сынақтан өтіп жатыр

Қалалық және облыстық әкімдіктердің  қолдауымен  Көкшетау тасымалдаушыларының жеке бастамасы бойынша жеке-кәсіпкерлік серіктестік  аясында облыс орталығының  қоғамдық көлік құрамын жаңарту жоспарлануда.

Жүзеге асыру бойыншка жоба   екі кезеңге  бөлінді, деді «Көкшетау автобус паркі» ЖШС бас директоры Әсия Шаримова  өңірлік коммуникациялар қызметінде.

Бірінші кезеңде жаңа автобустарды іске қосу қарастырылған. Оның қорытындысы бойынша Көкшетау қаласында жүруге бейімделген автобустар таңдалды. Оған қоса, автобустар экологиялық таза метан отыны арқылы жұмыс істеуі керек.

Жобаның екінші кезеңі аясында  мемлекеттік-жеке меншік серіктестік  бойынша автобустарды сатып алу жоспарлануда.

Жаңа автобустарды газ отынымен қамтамасыз ету бойынша Global Gas Group компаниясымен қала аймағында  автогаз метан  станциясын орнату келісімі жүзеге асырылды.