Ақмолалық құрылысшылар жылдық жоспарды артығымен орындады
22 Желтоқсан, 2017 14:31
Өңірде 11 айда тұрғын үйді пайдалануға беру бойынша жылдық жоспар артығымен орындалды.
Ақмола облысындағы құрылыс жұмыстарының көлемі 132,9 пайызды құрады, деп хабарлады облыс әкімдігінің баспасөз қызметі.
«Облыста 11 айда тұрғын үйді пайдалануға беру бойынша жылдық жоспар артығымен орындалды. Құрылыс жұмыстарының көлемі 132,9 пайызды құрады», - деді құрылыс басқармасының жетекшісі Марат Әубәкіров.
Атап айтсақ, биыл төрт жылға созылған ұзақмерзімді құрылыстағы тұрғын үйлер пайдалануға берілді. Бұл Біржан сал ауданының Степняк қаласындағы 60 пәтерлік тұрғын үй. Ерейментау мен Бұланды ауданының Макин қаласында 18 пәтерлік тұрғын үй пайдалануға берілді.
