• Басты
  • Елдегі жастардың жұмыссыздық деңгейі 4 пайызды құрады

Елдегі жастардың жұмыссыздық деңгейі 4 пайызды құрады

21 Желтоқсан, 2017 16:43
Елдегі жастардың жұмыссыздық деңгейі 4 пайызды құрады. Бұл туралы ҚР Президентінің жанындағы Жастар саясаты жөніндегі кеңестің отырысы барысында Дін істері және азаматтық қоғам министрі Нұрлан Ермекбаев мәлімдеді.

«Соңғы жылдары жастар арасындағы жұмыссыздық деңгейі  айтарлықтай төмендеген.2002 жылмен салыстырғанда  2017 жылы 13,1 пайыздан 4 пайызға дейін азайған», - деді министр.

Н.Ермекбаев айтып өткендей,  2017 жылы «Жасыл ел»  президенттік бағдарламасы аясында елімізде  жастардың  24 мыңнан астамын  жұмысқа орналастыруға  қолдау көрсетілді. 2016 жылы «Дипломмен ауылға»  жобасы бойынша  республикалық бюджеттен  тұрғын үй сатып  алуға немесе салу үшін 2725 жас маманға бюджеттік несие негізінде  8669,6 млн теңге бөлінген.

Айта кетейік,  кеңес қорытындысында Мемлекеттік хатшы  жастар саясатын іске  асыру бойынша бірқатар тапсырмалар берді.

Шарада  жастарды жұмысқа орналастыру, оның ішінде ауыл жастарында және 2018 жылға арналған ҚР Президенті жанындағы Жастар саясаты кеңесінің жұмыс жоспары қаралды.

Барлық жаңалықтар