«Нұрсұлтан Назарбаев – болашаққа бағдар: рухани жаңғыру» кітабы жарыққа шықты

21 Желтоқсан, 2017 14:32

Астанада мақалалар, сұхбаттар мен сарапшылардың пікірлері және анықтама-сараптамалық материалдар топтастырылған «Нұрсұлтан Назарбаев – болашаққа бағдар: рухани жаңғыру» атты кітап жарық көрді. Осыған орай Орталық коммуникациялар қызметінде өткен кітаптың тұсаукесерінде Сарапшы, саясаттанушы Саясат Нұрбек аталған кітап туралы пікірін білдірді.

Саясат Нұрбек өткен ғасырдағы әлем елдерінің мадернизациялау тәжірибелері туралы айта келіп, елімізде болған 1920-1936 жылдардағы ұлттық сананың өзгеріске ұшырауы, тарихи құндылықтардан алыстауы турасындағы сараптамалық ойларын айта келіп, тарихи, рухани құндылықтың мәніне тоқталды.

«Фундаментальді күшті құндылық – бұл тек мемлекет тұрақтылығының ғана негізі емес, халықтың қоғамдық сенімділігі мен әлеуметтік көңіл-күйінің де негізі. Мәнді, құндылықты жоғалту қоғамдағы әлеуметтік деградацияны күшейтіп, заманауи ортаны бүлдіреді. Бұл суицидтің өсуіне, жаппай депрессияға, алкаголизм мен нашақорлыққа алып келеді. Фундаментальді құндылықтарды білу, түсіну және бақылау – бүгінгі күнде «жұмсақ күш» деп аталатын қоғамдық басқарудың негізі болып есептеледі. Қазіргі заманғы дүниеге келіп жатқан соғыстар, режимнің өзгеруі, жаһандық деңгейдегі мемлекетаралық қақтығыстардың барлығы да осы «жұмсақ күші» деңгейде жүріледі»,- дейді Саясат Нұрбек.

Оның айтуынша, Жобаның негізгі мәқсаттарының бірі – құндылықтардың өзгеруі әлеуметтік-экономикалық өмірге қандай әсер етеді және мәдени құндылықтардың экономиканың дамуына және елдің жаңаруына қандай әсер ететіндігі туралы сұраққа жауап іздеу.

Есбол Нұрахмет

Барлық жаңалықтар