Астанада 2018 жылы 1200-ге жуық азамат қоларбамен қамтамасыз етіледі

22 Желтоқсан, 2017 09:21

Мүмкіндігі шектеулі жандарды әлеуметтік қолдауға келесі жылға қала бюджетінен 671 млн 607 мың теңге бөлінген. Тек қана 1181 қоларба алуға 118 млн теңге бөлінген, деп хабарлайды Астана қаласы әкімдігінің медиа орталығы.

Ведомствоның хабарлауынша, қала әкімдігі осы жылы қоларбалар алуға 201 млн 494,6 теңге бөлген. 2017 жылдың басынан бері қоларбалармен 635 кембағал жан қамтамасыз етілген.

Жалпы алғанда 2014-2017 жылдар аралығында 398 498,8 млн теңге жұмсалған. Ведомствоның ақпаратына сай, келер жылы 1181 қоларба алуға 118 млн теңге бөлінген.

Бүгінгі таңда Денсаулық сақтау және әлеуметтік даму министрлігінің 22 қаңтар 2015 жылғы №26 бұйрығына сәйкес, «Мүгедектерді оңалтудың кейбір мәселелері туралы» 4-қосымша «мүгедектерді арнаулы жүріп-тұру құралдарымен қамтамасыз ету» бөлмелік кресло-арбалар 7 жылға, серуендік қоларбалар 4 жылдық мерзімге беріледі.

Сонымен қатар, мүгедектер жүріп-тұру құралдарынан басқа да протездік-ортопедиялық көмек алады, жеке көмекшімен, ымдау тілі маманымен және де санатория-курорттық емделуге, сурдотехникалық, жылутехникалық құралдары мен міндетті гигиеналық құралдар, арнаулы әлеуметтік қызметпен қамтамасыз етіледі.

Естеріңізге сала кетейік, Астанада еңбек, жұмыспен қамту және халықты әлеуметтік қорғау органдарында биыл маусым-шілде айында 21 мыңнан аса мүгедек есепте тұрған.

Барлық жаңалықтар