2013 жылы «Astana Solar» компаниясы 35 мың күн панелін шығарды
16 Қаңтар, 2014 12:12
Өткен жылы «Astana Solar» компаниясы 35 мың күн панелін шығарды, деп мәлімдеді «Қазатомпром» Ұлттық атом компаниясының төрағасы Владимир Школьник.
«Astana Solar» ЖШС «Қазатомпром» АҚ-ның үлескер компаниясы екені мәлім.
«2013 жылы «Astana Solar» ЖШС 8 МВт-тық 35 мың күн панелін шығарып, соның ішінде 62 пайызы қазақстандық компаниялармен шартталған», - делінген хабарламада.
Сонымен қатар, Қызылорда обылсында 0,5 МВт-тық «СКЗ-U» ЖШС станциясы құрылды.
2014 жылы «Astana Solar» кәсіпкерлігі 37 МВт-тық күн панелдерін өндіруді жоспарлап отыр.
Осыған сай, орнатылған қуаттың 1 Вт-ы $2-дан аспайды.
«Зауыттың жобалы қуатына жеткенінен кейін бағаның түсімі жоспарланып отыр. 2014 жылы өнімнің бір бөлігі, нақтырақ айтсақ, 13,1 МВт-ы шарттасылды», - деді В.Школьник.
Айта кету керек, 2014 жылы ҚР-да қазақстандық күн панелдерінің қолданылуымен 7 күн энергобекет салынады.
