Қаңтардан бастап Қазақстанның жұмыспен қамту орталықтары халықаралық стандарт бойынша жұмыс істейді
20 Желтоқсан, 2017 18:13
2018 жылдың қаңтарынан бастап Қазақстанның жұмыспен қамту орталықтары халықаралық стандарт бойынша жұмыс істейді. Бұл туралы еңбек және халықты әлеуметтік қорғау министрі Тамара Дүйсенова Үкімет отырысында мәлімдеді.
«Еңбек нарығы институтын дамыту аясында биылғы жылдың қазанынан бастап электрондық еңбек биржасы іске қосылды. Бүгінгі таңда ол 25,5 мың жұмыс орнын құрап отыр, ол 4 аймақтағы 7 мың түйіндеме деген сөз. Пилоттық жұмыс кезінде жұмыс берушілерге ұсынылған бос жұмыс орындар саны екі есеге өсіп, жұмысқа орналасқандар 6,5 пайызды құрады. Төрт жұмыспен қамту орталықтарында қызмет көрсету бойынша халықаралық стандарттарға көшу трансформацияланады», - деді Т.Дүйсенова.
Министр айтып өткендей, мемлекеттік жұмыспен қамту орталықтарының трансформациясы мен жеке жұмыспен қамту агенттіктерін тартуды қарастыратын заң жобасы Парламент Мәжілісінде қарауда.
Қайрат Жандыбаев
