ҚР Сенаторлары көпжақты 2 құжатты ратификациялады
«Комитетте ТМД-ға қатысушы мемлекеттер күштерінің әуе шабуылына қарсы қорғаныс жөніндегі кезекшілерінің әуе кемесін басып алу (ұшырып әкету) туралы ақпаратты алған кездегі іс-қимылдарын ұйымдастыру туралы келісімді ратификациялау туралы заң жобасын қаралды», - делінген хабарламада.
Келісімнің мақсаты – әуе кеңістігін қауіпсіз пайдалануды қамтамасыз ету, терроризмге қарсы іс-қимыл жасауды және ТМД-ға қатысушы мемлекеттері кезекшілерінің әуе кемесін басып алу (ұшырып әкету) туралы ақпаратты алған кездегі іс-қимылдарын ұйымдастырудың бірыңғай тәсілін қамтамасыз ету үшін құқықтық база жасау болып табылады.
Комитет отырысында ҰҚШҰ-ға мүше мемлекеттердің аумақтарына әскери инфрақұрылым объектілерін орналастыру туралы хаттаманы ратификациялау туралы заң жобасы да қаралды. Хаттаманың мақсаты ҰҚШҰ-ның мүшесі болып табылмайтын мемлекеттердің әскерлер (күштер) топтарын, әскери инфрақұрылым объектілерін ҰҚШҰ-ға мүше мемлекеттердің өз аумақтарына орналастыру туралы шешімдерді қабылдау тәртібін нақтылау болып табылады.
