Жамбыл облысында 2013 жылы құрылыс саласында 35 млрд теңге игерілді
16 Қаңтар, 2014 11:40
Жамбыл облысында 2013 жылы 163 өндірістік, әкімшілік және әлеуметтік маңызы бар нысандар салуға 35 млрд теңге жұмсалды, деп хабарлайды облыстың ішкі саясат басқармасының баспасөз қызметі.
«2013 жылы Жамбыл облысы бойынша 19 мың шаршы метр тұрғын үй салынып, 12 елді-мекенге су құбыры желілері тартылды. 6 млрд теңгеге автомобиль жолдары жөнделді. 5 млрд теңгеге балалар ауруханасы, 6 мектеп, 2 балабақша, 4 спорт залы салынды. Соның ішінде «Тараз Арена» спорт сарайы да бар. Осының барлығына бас-аяғы 35 млрд теңге жұмсалды», - делінген хабарламада.
2014 жылы да атқарылар шаруа аз емес. Жаңа жылда Жамбыл облыстық құрылысшылар мен жобалаушылар 34 млрд теңгені игерулері керек.
Атап атар болсақ облыс орталығында 400 жаңа жұмыс орнын ашуға мүмкіндік берген 300 адамдық аурухана құрылысы қарқынды жүріп жатыр. Аурухананың сметалық құны 8 млрд теңге. Қазірге дейін аталмыш қаражаттың 3 млрд 200 млн теңгесі жұмсалған.
