• Басты
  • 2015 жылға қарай Қазақстанда ЖІӨ-де энергияның жұмсалуын 10% төмендету жоспарланған
16 Қаңтар, 2014 11:15

2015 жылға қарай Қазақстанда ЖІӨ-де энергияның жұмсалуын 10% төмендету жоспарланған

Қазақстанда 2015 жылға қарай ЖІӨ-де энергияның жұмсалуын 10%, 2025 жылы 25% төмендету жоспарланған, деп мәлімдеді бүгін «Жасыл» экономика: энерготиімділік пен энергияны жұмсау» атты семинарда ҚР Қоршаған орта және су ресурстары министрі Нұрлан Қаппаров.
2015 жылға қарай Қазақстанда ЖІӨ-де энергияның жұмсалуын 10% төмендету жоспарланған

«Қазіргі таңда Қазақстан ЖІӨ-нің энергожұмсалуы Ресей мен Беларуське қарағанда бір жарым есеге артық. Ал АҚШ, Жапония секілді дамыған елдерден біздің көрсеткіш 5-7 есеге артық», - деді Н.Қаппаров.

Оның айтуынша, экономиканың энергия жұмсауын энергожинақтағы энерготиімділікті басқару жүйесін жетілдірмей және жаңартылмалы электр қуатын дамытпай жетілдіру мүмкін емес.

«Алға қойылған міндеттемелердің орындалуы тиімді саясатты жүзеге асыру арқылы мүмкін блолмақ. Қазіргі таңда елімізде нормативті база қалыптасып, оған заңдар мен түзетулер енгізілген. ҚР Үкіметінің қаулысымен 2012-2015 жылдарға арналған энерготиімділікті арттыру жоспары дайындалды», - деді министр.

Сонымен қатар, энергетикалық саланы жаңғырту жолында алға қойылған міндеттемелерді жүзеге асыру үшін мемлекет айтарлықтай инвестицияға мүмкіндік ашпақ.

«Тұжырымдамаға сай, 2030 жылға қарай «жасыл» экономиканың дамуы үшін 50 млрд АҚШ доллары көлемінде қаржы құю керек. Ал 2050 жылға қарай бұл көрсеткішті 100 млрд долларға қажеттілік бар. Аталмыш қаражаттың 50 пайызы жаңартылмалы қуат көздеріне бағытталмақ», - деп түйіндеді.

Естеріңізге сала кетейік, «Қазатомпром» АҚ-ның үлескер компаниясы «Astana Solar» ЖШС базасында бүгін «Жасыл» экономика: энерготиімділік пен энергияны жұмсау» атты екі күндік семинар-тренинг басталды. Шара «Самұрық-Қазына» АҚ кіретін энергетикалық және инвестициялық компаниялар тобы, соның ішінде «Astana Solar» ЖШС, «KEGOK» АҚ, «Samruk-Green Energy» АҚ, «Самұрық-Қазына Invest» АҚ қызметкерлері мен жетекшілеріне арнап өткізілуде.

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды