«Нұрлы жер» бойынша 8 мың қарыз беру жоспарланған

15 Желтоқсан, 2017 20:31

Бағдарлама шеңберінде оны іске асыру кезеңінен бастап барлығы 120 млрд. теңге сомасына 8 000 қарыз, оның ішінде 2017 жылы – 15 млрд. теңгеге 1 000 қарыз және 2018 жылы – 105 млрд. теңгеге 7 000 қарызды беру жоспарланған. Бұл туралы Орталық коммуникациялар қызметінде өткен «Нұрлы жер» бірыңғай тұрғын үй құрылысы бағдарламасының 2017 жылғы қорытындысына арналған баспасөз маслихатында айтылды.

Баспасөз маслихатында «Нұрлы жер» тұрғын үй құрылысы бағдарламасының қаржы операторы, «Бәйтерек» Ұлттық басқарушы холдингі» АҚ еншілес ұйымы, «Қазақстан ипотекалық компаниясы» АҚ Қазақстан Республикасы азаматтарына ипотекалық қарыздары бойынша сыйақы мөлшерлемесін субсидиялау нәтижелері туралы мәлімет берді.

«Нұрлы жер» бағдарламасында ипотекалық қарыздарды субсидиялау көзделген. Бағдарлама негізінде ипотека бойынша қарыз алушыға, алғашқы тұрғын үйді сатып алу үшін қарызды соңғы мөлшерлемесі жылдық 10%-бен беру. Бағдарлама алғы төлемсіз жүзеге асырылады. Бағдарлама талаптарына сәйкес банк процентінің айырмашылығы Қазақстан Ипотекалық Компаниясы арқылы мемлекеттік қаражаттармен өтеледі.

«Биылғы жылдың 15 желтоқсанындағы жағдай бойынша 12,3 млрд. теңге сомасына 1209 өтінім келіп түсті, оның 98%-ы мақұлданды. Бағдарламаға Алматы, Астана, Ақтау, Ақтөбе, Атырау, Шымкент, Қарағанды, Көкшетау, Талдықорған, Тараз, Орал, Өскемен, Қостанай, Жезқазған, Семей, Қызылорда және Алматы облыстарының тұрғындары қатысты»,-дейді «Қазақстан Ипотекалық Компаниясы» ИҰ» АҚ Басқарма Төрағасының орынбасары Руслан Кәкім.

Есбол Социалхан

Барлық жаңалықтар