Латын әліпбиін дәріптеу үшін арнайы спектакль жаздырып жатырмыз – С.Әбдіхалықов

«Бүгінде біз, Ғ.Мүсірепов атындағы қазақ мемлекеттік академиялық балалар мен жасөспірімдер театры  Елбасының «Рухани жаңғыру» бағдарламасы аясында латын әліпбиіне көшуді  дәріптеу үшін арнайы спектакьлді жаздырып жатырмыз. Яғни,  45 минутта біздің спектакьлді көрген жас көрермендеріміз латын әліпбиімен танысып, шамалы үйреніп шығатындай етіп жаздырудамыз. Оның премьмерасы келер жылдың алғашқы жарты жылдығында болады. Бұл біздің театрдың қосқан кішкене үлесі», - деп ағынан жарылды Қазақстанның еңбек сіңірген қайраткері С.Әбдіхалықов.

Естеріңізге сала кетейік, «Стратегия» пікірталас клубының тікелей эфирде өтіп жатқан кезекті отырысы Қазақстанның Тәуелсіздік күнін атап өтуге арналған. 26 жылда елімізде көптеген өзгерістер орын алды. Қазақстанның экономикасы нығая түсуде, еліміз  бітімгер мәртебесін жаулап алды. Егемендігін алған мемлекетіміз ядролық қарудан бірден бас тартты.

Осы және өзгеде мәселелерді бағдарлама қонақтары «Астана» радиосының тікелей эфирінде талқылауда. «Strategy2050.kz» АА сайтында ақпаратарымызды оқып, трансляцияны тамашалаңыздар.

Клубымыздың жұмысы әлеуметтік желідегі парақшаларымызда таратылуда.  

Айта кетейік, бүгін Ғ.Мүсірепов атындағы қазақ мемлекеттік академиялық балалар мен жасөспірімдер театрының директоры, актер  Сәбит Әбдіхалықовқа Мемлекет басшысы Нұрсұлтан Назарбаев  Қазақстанның еңбек сіңірген қайраткері атағын берді.

Мөлдір Асқарқызы