• Басты
  • Сатып алу құқығымен берілетін жалдамалы тұрғын үйлер халықтың әлеуметтік осал топтарын негіз етеді

Сатып алу құқығымен берілетін жалдамалы тұрғын үйлер халықтың әлеуметтік осал топтарын негіз етеді

15 Желтоқсан, 2017 14:51
«Нұрлы жер» бағдарламасы бойынша сатып алу құқығымен берілетін жалдамалы тұрғын үйлер халықтың әлеуметтік осал топтарын негіз етеді. Бұл туралы Орталық коммуникациялар қызметінде «Нұрлы жер» бірыңғай тұрғын үй құрылысы бағдарламасының 2017 жылғы қорытындысы бойынша өткен баспасөз маслихатында айтылды.

«Қазір ҚИК-ның басты міндеті – қазақстандықтар үшін тұрғын үйді қолжетімді етуге мүмкіндік беретін «Нұрлы жер» бағдарламасын іске асыру болып табылады. Бұл жобадағы ҚИК-ның рөлі ипотекалық несиелендіруді ынталандыру.  Бұл бағдарламаға барлық алдыңғы: «Қолжетімді баспана-2020» және Өңірлерді дамытудың 2020 жылға дейінгі бағдарламалары біріктірілген»,-дейді «Қазақстан Ипотекалық Компаниясы» ИҰ» АҚ Басқарма Төрағасы Әділ Мұхамеджанов

Спикерлердің айтуынша сатып алу  құқығымен берілетін жалдамалы тұрғын үйлер  халықтың әлеуметтік осал топтарына жататын, оның ішінде, көпбалалы отбасылар, толық емес отбасылар, мүгедек балалары бар немесе мүгедек балаларды тәрбиелеп отырғандар, жетім балалар, ата-анасының қамқорлығынсыз қалған балалар, оралмандар, 1-2 топтардағы мүгедектер, сондай-ақ мемлекеттік қызметшілер, әскери қызметшілер, арнайы мемлекеттік органдар қызметкерлері, бюджеттік ұйымдардың қызметкерлерінен тұратын жергілікті атқарушы органның кезегінде тұрғандарға арналған.

Сондай-ақ, бағдарламаны жүзеге асыру барысынлда компания ЖАО-мен жіберілген әлеуетті қатысушылардың төлем қабілеттілігі, несие тарихы және басқа да қажетті құжаттары бойынша тексеру жүргізеді.

 

Барлық жаңалықтар