Мемлекеттік хатшы Әл-Фараби атындағы ғылым мен техника саласындағы жүлдені тапсырды (ФОТО)

Гүлшара Әбдіхалықова барша қазақстандықтарды және жиналғандарды Тәуелсіздік күнімен құттықтады.

Мемлекеттік хатшы өз сөзінде ұлттық мейрам – Тәуелсіздік күні қарсаңында қазақстандықтарға еліміздің дамуына қосқан жеке үлесі үшін мемлекеттік наградаларды тапсыру дәстүрге айналғанын атап өтті.

«Елбасы Нұрсұлтан Назарбаетың  халықтың әл-аухатын көтеруге бағытталған стратегиялық бағытын жүзеге асыруымыздың арқасында  еліміз заманауи  және табысты болды. Бүгінде Қазақстан жүйелік өзгерістер мен түрлену кезеңінде. Мемлекет индустрияландыруды жалғастыруда, мақсат жаһандық бәсекеге қабілеттілікке қол жеткізу. Біз «Стратегия-2050» кешенді түрде жүзеге асырудамыз», - деді  Г.Әбдіхалықова.

Марапатталғандар қатарында – мәдениет, білім, ғылым, денсаулық сақтау салаларының қайраткерлері, мемлекеттік қызметкерлер, экономиканың түрлі салаларының өкілдері мен ауыл шаруалары және жұмысшылар. ІІІ дәрежелі «Барыс» орденімен Қазақ-Америка университетінің президенті Ережеп Мамбетқазиев, ҚР Жазушылар одағының төрағасы Нұрлан Оразалин марапатталды.

Содан соң, ҚР Мемлекеттік хатшысы «Парасат», «Құрмет» ордендері мен  «Жауынгерлік ерлігі үшін» медалін тапсырды.

Сонымен қатар, Әл-Фараби атындағы ғылым мен техника саласындағы сыйлықпен қазақстандық ғалымдар марапатталды.

Ақбота Күзекбай

Фото: Бауыржан Жуасбаев