Алматыда медицина ұйымдарын жабдықтау 75%-ға жетті

« Алатау ауданындағы жедел жәрдем станциясы жанына қосалқы нысан салу жоспарланған, осы саланың 6 нысанын сейсмикалық күшейтудің ЖСҚ жасау және 6 бьекті салу аяқталып қалды», - деп хабарлады қала әкімдігі.

Жалпы, 2 жыл ішінде медицина ұйымдарын жабдықтау 75%-ға жетті, бұл жұмыс сапасын арттырып, дұрыс диагонз қоюға, сырқат түрін ерте анықтауға ықпал етті.

Әлеуметтік қорғауға 8,8 млрд. теңге бөлінді, оның ішінде 20 мыңнан астам адамға әлеуметтік төлемдер мен жәрдемақы беріледі, 9 мекеме мен мүгедектерге қаржылай көмек көрсетіледі.

Бұлардан өзге, 2018 жылы мектептердің ағымдағы жөндеу жұмыстарына, оқулықтар алуға, мұғалімдер мен тәрбиешілерге жалақы төлеуге қаржы қарастырылған. 8 бала бақша салу жоспарланған, 2 мектеп жанындағы қосалқы нысан құрылысы аяқталады, педагогикалық колледж жанынан қосалқы нысан пайда болады, №46 мектеп сейсмикалық күшейтіледі.

Жалпы, Алматының бүгінгі әлеуметтік- экономикалық дамуының барлық көрсеткіштері оң динамиканы көрсетуде. Мысалы, қаланың экономикалық даму қарқынының өсуі 2017 жылдың бірінші жартыжылдығында 4%-ды, ал 11 ай ішінде негізгі капиталға тартылған инвестиция 15,7%-ды құрады.