Қызылорда облысында 2013 жылы 75 шағын спорт алаңы салынды

«Облыста  жеті ауданында жасанды шөппен стандартқа сәйкес 7 стадион қалпына келтірілсе, Арал мен Қармақшы ауданында жаңадан стадион салынды», - делінген хабарламада.  

Сонымен қатар Қазалы, Шиелі, Жаңақорған аудандарында спорт клубтары (3 мемлекеттік коммуналдық кәсіпорын) және «Сырдария» кәсіби көгалды хоккей клубы, «Мұз айдыны» мекемелері құрылып, жұмыс жасауда. Осы спорт мекемелерінде барлығы 2000 астам шұғылданушылар әртүрлі спорт түрлерімен айналысуда. 

Жасөспірімдерді спортқа тарту мақсатында аймақта бұрын болмаған қазіргі бессайыс, байдарка және каноэда есу, мәнерлеп сырғанау секілді жаңа спорт түрлерінен секциялар ашылды. 

Бұқаралық спортты дамытуға, салауатты өмір салтын насихаттау, мақсатында 2013 жылы 1540 спорттық-бұқаралық іс-шаралар өткізіліп, оған 440 000 адам қатысты. Оның ішінде ауыл спортшыларының кешенді «Алтын күз» спартакиадасы, ұлттық спорт түрлерін дамыту барысында қазақ күресінен «Алтын белбеу» дүбірлі сайысы төртінші рет өтті.

Сондай-ақ, спорттың олимпиадалық түрлерінен өткен Қазақстан чемпионаттарында облыс спортшылары 482 медаль, оның ішінде 155 - алтын, 126 - күміс,  201 - қоланы жеңіп алса, Әлем, Азия чемпионаттарында - 74 медаль, оның ішінде - 31-і алтын, 26 - күміс және 17 қола медальдарды жеңіп алды.