Алматыда моренді көлдерге мониторинг жүргізудің цифрлы жүйесі қолға алынады
Сел қаупінен қорғану үшін 2018 жылы моренді көлдерге мониторинг жүргізудің цифрлы жүйесі қолға алынады. Қазіргі кезде олар тік ұшақ арқылы бақылауға алынған. Айта кетерлігі, биыл Алматыда қымбат насосты станцияларды алудың арқасында ең қауіпті 9 моренді көлдің сулары тартылды.
«Қала қауіпсіздігін сақтаудың басты міндеті әлеуметтік нысандардың сейсмикалық қуатын күшейту болып табылады. Осыған орай, әлеуметтік нысандарды сейсмикалық күшейтудің 2025 жылға дейінгі кезеңді жоспары жасалды», - деп хабарлады әкімдікте.
Мысалы, биылғы жылы 6 бала бақша, 20 мектеп, 1 балалар үйі сейсмикалық күшейтілді, денсаулық сақтау саласының 8 нысанын сейсмикалық күшейту жұмыстары аяқталып қалды. 7 мыңнан астам нысан, соның ішінде мектептер, бала бақшалар, ауруханалар сеймикалық жағынан паспортталды.
