Ақмола облысында Құқық қорғау қызметінің орталығы ашылды
Ашылу рәсіміне Қазақстан Республикасының Бас Прокурорының орынбасары Марат Мұратұлы Ахметжанов, облыс әкімі Мәлік Кеңесбайұлы Мырзалин, құқық қорғау органдарының басшылары және прокуратура органдарының ардагерлері қатысты.
Құқық қорғау қызметі орталығы жұмысының басты қағидасы –прокуратураның арнаулы алаңдарында азаматтарға кең ауқымдағы тегін құқықтық қызмет ұсынуы.
«Аталған Орталықта азаматтардың құқық бойынша мәселелерін прокурорлар, адвокаттар, медиаторлар, пробация қызметі, әкімдік, ІІД және ЖПҚ қызметкерлері қабылдайтын болады. Бұл - 100 нақты қадам Ұлттық жоспарына сәйкес құқықтық қызметтерді бір орынға интеграциялау», - деп хабарлады Бас прокуратура.
Орталықтың негізгі міндеті - шағымдарды жедел шешу, азаматтардың құқық қорғау және мемлекеттік органдарға деген сенімін арттыру, әкімшілік кедергілер мен бюрократияны жою.
Бүгін прокуратура азаматтар үшін құқықтық көмектің қол жетімді болуына және прокуратураға жүгінген әрбір адам өз проблемасын шешуге нақты нәтиже алуы үшін жұмыс жасауда.
