14 Желтоқсан, 2017 12:09

2017 жыл Қазақстанның сыртқы саясаты үшін өте нәтижелі болды – М.Әшімбаев

Қазақстанның жаһандық мәселелерді реттеудегі рөлі, 2017 жылы еліміз халықаралық ынтымақтастықты дамыту үшін қандай шараларды қолға алды, жалпы халықаралық деңгейдегі маңызды оқиғалар туралы Халықаралық істер, қорғаныс және қауіпсіздік комитетінің төрағасы, ҚР Парламенті Мәжілісінің депутаты Мәулен Әшімбаев «Strategy2050.kz» АА тілшісіне берген эксклюзивті сұхбатында кеңінен айтып берді.

Мәулен Әшімбаев атап өткендей, 2017 жыл қазақстандық сыртқы саясат үшін барынша табысты және нәтижелі болды. Сонымен, парламентарийдің айтуынша, Қазақстанның басты жетістігі БҰҰ Қауіпсіздік кеңесіне уақытша мүше ретінде қабылдануы.

«Егер кетіп бара жатқан жылда жеткен жетістіктерімізді сараптайтын болсақ, онда Қазақстанның БҰҰ Қауіпсіздік кеңесінің уақытша мүшелікке алынуын атап өтсек болады. Осының өзі еліміздің сыртқы саясаты мен еліміздің жаһандық және аймақаралық проблемаларды шешуге араласуын халықаралық қауымдастықтың жоғары бағалайтынын көрсетеді. Қазақстанның ядролық таратуды болдырмау саясатын ескеретін болсақ, бейбітшілік миссияларда, БҰҰ Қауіпсіздік кеңесіне уақытша мүшелікке алынуы маңызды қадам болып табылады және де біздің мемлекетіміздің халықаралық деңгейде мойындалуын дәлелдей түседі», - деді Мәулен Әшімбаев.

Депутаттаың айтуынша, БҰҰ Қауіпсіздік кеңесіне мүше болу біздің елімізге Мемлекет басшысының түрлі салаларда бастамаларын жүзеге асыруға мүмкіндік береді.

«Ағымдағы жылдың аясында Қазақстан БҰҰ ҚК бірқатар комитеттерімен етене жұмыс істеді. Атап айтқанда, Ауғаныстан бойынша комитетпен, «Аль-Каида» комитетімен, Сомалидегі жағдайды реттеу бойынша комитеттпен жұмыс істеді. Осы ретте, Қазақстанның уақытша мүше ретінде миссияны орындауы өте маңызды болды. Біздің еліміз БҰҰ ҚК-ға қаңтар айында төрағалық етеді. Сондықтанда, мен келер жыл БҰҰ аясында қазақстандық бастамаларды насихаттауда айтулы жыл болады деп есептеймін және де біз уақытша мүшелігіміздің нақты жұмысының нәтижесін көретін боламыз», - деп баса айтты М. Әшімбаев.

Мәжілісменннің пайымынша, екінші жеткен жетістігіміз – ол елордада 93 күнге созылған ЭКСПО-2017 халықаралық мамандандырылған көрмесін өткізу болды.

«ЭКСПО өткізу үлкен халықаралық шара болды. 100-ден астам мемлекет осы шараға белсенді атсалысты. Көптеген елдердің басшылары, премьер-министрлері, Қазақстанның Үкімет мүшелері ЭКСПО көрмесін аралап көрді. ЭКСПО көрмесі біздің экономикамызға жаңа технологиялар, жаңа технологияларды пайдалану арқылы жаңа өндірістерді ашу, еліміздің халықаралық ұстанымын нығайтуға өз үлесін қосты және де әлі үлесін қосуда. Сондықтанда, ЭКСПО маңызды экономикалық, ішкі саяси және сыртқы саяси оқиға ретінде қарастыруға болады», - деп толықтырды ол.

М. Әшімбаевтың пайымынша үшінші жетістігіміз Сириядағы бейбіт мақсаттағы миссиямызды тиімді жүзеге асыру болды.

Депутат атап өткендей, дәл осы жетістіктеріміз Қазақстанның 2017 жылғы сыртқы саясаты үшін өте маңызды болды.

«Мен, 2018 жылы да Қазақстан осылайша көптеген бағыттар, дәлірек айтсақ аймақтық, жаһандық қауіпсіздікті қамтамасыз ету, маңызды бетбіт мақсаттағы миссияларды орындау бойынша белсенді жұмыс істейді деген сенімдемін», - деп есептейді М. Әшімбаев.

Ақбота Күзекбай

Фото ашық дереккөзден

ҰСЫНЫЛАДЫ

Барлық жаңалықтар

дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды