Алматының индустриялы аймағында 13 зауыт салынады

««Индустриалды-инновациялық даму» мемлекеттік бағдарламасы аясында 490 гектар жер аумағын құрайтын Индустриалдық аймақтың құрылысы жүруде. Аталған аймақта тағам, фармацевтика, жеңіл, жиһаз, химия, көлік жасау, құрылыс өнеркәсіптері анықталған», - деді аудан әкімі.

 Бүгінгі күні 40 жоба мақұлданып, нәтижесінде «БРБ АПК» ЖШС-ң көкөніс өсіруге арналған жылыжай кешені салынды. Сондай-ақ, 13 өнеркәсіптің құрылысы жүруде.

Олар: кабель жасайтын «КМК» ЖШС, үлкен диаметрлік болат құбырларын шығаратын «Азия Стил» ЖШС,  полимерлік материалдар жасайтын «Ассет» ЖШС, кеңселік техникаларға арналған картридждер жасайтын «Док ЛТД» ЖШС, балмұздақ шығаратын «Грант Фуд» ЖШС, жылу-су құралдарын құрастыратын «ЭНКО» ЖШС, мұнай химия көліктерін шығаратын «К зон Индастриал» ЖШС, автоклавты газбетон жасайтын «ГСГ» ЖШС, полистиролдан жасалған құрылыс материалдарын шығаратын «Актау-1» ЖШС, шыны ыдыстарын шығаратын «Багдар ЛТД» ЖШС, халықты жеке қорғауға арналған заттар шығаратын «Сорбент Волиш», ет өңдеуші «Гауди-08» ЖШС және скотч шығаратын «КазТайгерТэйп» ЖШС. Сондай-ақ, 2 өнеркәсіптің құрылысы аяқталуда. Олар: қағаз мешоктар шығаратын «Алма ПАК ЛТД» ЖШС-ң зауыты және ғимараттардың архитектуралық сырқы келбетін жасайтын құрылыс материалын шығаратын зауыт.