ШҚО-ның 150 меджұмысшысы шетелдік клиникаларда біліктілігін арттырады

«Қазақстанның денсаулық сақтау саласында  тәуелсіздік жылдары көптеген дүниелер өзгерді. Бұл  дегеніңіз өмір сүру ұзақтығының артуы, ана мен сәби өлімінің төмендеуі, емдеу процесіне жаңа технологияларды енгізу. Сонымен, ана мен сәби өлімін 3 есе төмендетуге қолжеткізілді. Қазақстандықтардың күтіліп отырған өмір сүру ұзақтығы 72,5 жасты құрады», - деді М. Шоранов.

Оның айтуынша, аймақта онкология, кардиология, босануға көмектесу мен балалық шақ бағыттары бойынша медициналық кадрлардың біліктілігін арттыру және оқыту бойынша үш деңгейлі бағдарлама жасақталып, табысты жүзеге асырылуда.

Бірінші деңгей бойынша, Семей қаласының мемлекеттік медицина университетімен бірлесіп өз саласында 1817  медициналық қызметкер оқытылды. Екінші деңгей бойынша, облыстағы клиникалардың базасында қазақстандық және шетелдік жетекші мамандарды тарту арқылы 6 шеберлік-сынып өткізілді.

«Ал, үшінші деңгей бойынша жақында ғана 50 дәрігер мен медбике Ұлыбританиядан келді, онда олар оқудан өтті. Шетелдік клиникаларда 3 жылдың ішінде 150 адамды оқыту жоспарлануда. Шетелде біліктілігін арттырған мамандар жергілікті жерде өз білгендерін әріптестеріне үйретіп, жетекші тәжірибелерді бізге енгізетін болады», - деп сендірді ол.

Медициналық құралдармен жабдықтау бағдарламасы бойынша облыстағы барлық медициналық мекемелерге кешенді аудит жүргізілді. Бүгінде оларда 10 мыңнан астам дана техника бар, оның ішінде 2 мыңы ескірген немесе 17 пайызы.