Стандарттау бойынша ұлттық орган қосымша шығынды қажет етпейді – Ж.Қасымбек

13 Желтоқсан, 2017 11:42

Белгілі болғандай, Қазақстан Стандарттау бойынша ұлттық орган құрып жатыр. Стандарттау бойынша ұлттық орган қызметіне стандарттау және стандарттардың ҚР «Стандарттау туралы» заңнамасына сәйкес қабылдануын үйлестіру қызметін атқаратын болады. Заң жобасын ҚР Инвестициялар мен дамму министрі Жеңіс Қасымбек ҚР Парламенті Мәжілісінде таныстырды.

Отырыста министр атап өткендей, бүгінде жұмыс істеп жатқан Қазақстандық стандарттау және сертификаттау институты Ұлттық орган ретінде белгіленетін болады.

«Ұлттық органнның стандарттау бойынша сәйкесінше біліктілігі болады. Осы заң шықнаннан кейін Қазақстандық стандарттау және сертификаттау институты Стандарттау бойынша ұлттық орган ретінде белгіленеді деген ойдамыз. Бүгінде институттын өзінің штаты, қаржысы бар, сондықтан шығын болмайды деген ойдамыз», - деп атап өтті ҚР ИДМ басшысы.

Жалпы, Жеңіс Қасымбек хабарлағандай, бүгінде қоғамдық қарым-қатынастың жеке саласына техникалық реттеу жүйесін стандарттау бойынша кешенді шаралар керек. Техникалық реттеу мен стандарттау екі түрлі заң актілерімен анықталып, көрсетілуі керек.

«Германия, Ұлыбритания, Испания, Австрия, Норвегия және Қытай сияқты елдерде «Стандарттау туралы» заңдары қолданыста. Ресей Федерациясы, Еуразиялық экономикалық одағы бойынша Қазақстанның серіктесі болып табылып, ұқсас жол бойынша дамып келеді. Онда «Стандарттау туралы» Заң 2015 жылдан бері қолданыста», - деді ведомство басшысы.

Осы ретте, министр Ұлттық органнның рөлін түсіндіріп кетті.

«Стандарттар қабылдау процесі қажеттікті талдау кезеңінен оларды практикалық тұрғыдан енгізуге дейін құралған, онда процестің жалғыз операторы болып табылатын Ұлттық стандарттау органына түйінді роль берілген. Қазақстандық модельді үйлестіруді «мемлекет-бизнес-тұтынушы» «тең құқылы» құқықтық қарым-қатынастармен ұлттық стандарттау жүйесін құрудан көріп отырмыз. Осы үлгімен мемлекет өзіне техникалық саясатта тікелей қауіпсіздікпен байланысты мәселелерге ғана әкімшілік тұрғыдан кірігу өкілеттігін қалдырады.», - деп атап өтті Ж. Қасымбек.

Ол атап өткендей, ұсынылып отырған заң жобасына сәйкес, Ұлттық орган барлық мүдделі тараптардың тең құқылығы қағидаты негізінде стандарттар қабылдау үшін жағдай жасауы тиіс.