• Басты
  • 2013 жылы 100 мыңнан астам адам «Жұмыспен қамтудың жол картасы-2020» бағдардамасына қатысты

2013 жылы 100 мыңнан астам адам «Жұмыспен қамтудың жол картасы-2020» бағдардамасына қатысты

16 Қаңтар, 2014 09:00
2013 жылы 106 224 адам «Жұмыспен қамтудың жол картасы-2020» мемлекеттік бағдардамасына қатысты. Солардың ішінде 106 037 адам әлеуметтік келесім шартқа отырды.

Бағдарламаға қатысушылардың жартысынан астамы, яғни 29 жасқа дейінгі 56 079 адам еңбек ынталандыру курсына жауап береді және өндіріске жастардың белсенді тартылуына бастама болды. Сонымен қатар, мемлекеттік бағдарламаға 50 764 әйел азаматшалар қатысты.

2013 жылы «ЖҚЖК-2020» бағдарламасының бірінші бағыты «Инфрақұрылым мен тұрғын үй коммуналдық шаруашылығын дамыту есебінен жұмыспен қамтуды» жүзеге асыру аясында жаңадан құрылған жұмыс орындарына 22 898 адам орналасса, соның ішінде 12 385-і бағдаррлама қатысушылары болып табылады. Жалпы есеппен 2013 жылы қала мен ауылдарда инфрақұрылым мен тұрғын үй-коммуналдық шаруашылығын дамыту бойынша 1714 бағдарлама іске асырылды.

Бағдарламаның екінші бағыты «Кәсіпкерлік пен тірек ауылдарды дамыту есебінен жұмыс орындарын құру» бойынша 2013 жылғы нәтиже төмендегідей көрсеткішке ие. Өз кәсіптерін ашуға немесе оларды кеңейту мақсатында шағын несие алған кәсіпкерлердің саны 111 782 адамды құрады. Осының арқасында қосымша 9 169 жұмыс орны ашылды. 10310 адам бизнес негіздері бойынша аз уақыттық тегін курстан өтті.

«Жұмыспен қамтудың жол картасы-2020» бағдарламасының үшінші бағыты «Жұмыс берушінің сұранысына қарай қайта оқыту немесе қоныс аудару арқылы жұмыспен қамтуға ықпал ету» бойынша 2013 жылы 48 566 адам оқытудан өтті. Соның ішінде 23 810 бағдарлама қатысушысы оқуды аяқтап шықты. Оқуды тәмамдағандардың 22 828-і жұмысқа орналасты. Сонымен қатар, 24 257 бағдардаманың үшінші бағытына қатысушы адам әлеуметтік жұмыс орындарына бағытталса, 23 499 адам жастар тәжірибесіне аттандырылды. Қоныс аудару бойынша 4 862 адам экономикалық болашағы жоқ ауылдардан көшіп кетті. Олар жоғарғы әлеуетті елді-мекендерде жаңа баспанаға қол жеткізіп, жаңа жұмысқа орналасты.

Айта кету керек, «Жұмыспен қамтудың жол картасы-2020» мемлекеттік бағдарламасы аясында орындалып жатқан шаралар елдегі өзге де жұмыспен қамтуға бағытталған мемлекеттік бағдарламалармен біріге отырып елдің еңбек нарығына оң өзгерісін әкелуде. ҚР Статистика агенттігінің мәліметінше, 2013 жылы елімізде жұмыссыздық 5,2 пайызды құраған.

Барлық жаңалықтар