Новосібір – Павлодар әуе рейсі 2018 жылы ашылады
13 Желтоқсан, 2017 08:43
2018 жылы іске қосылатын бағыт бойынша әуе билеттері қазірдің өзінде сатылып жатыр, деп хабарлады Қазақстанның Ресейдегі елшілігі.
Новосібірден Павлодарға және кері бағытта аптасына екі мәрте ұшақ қатынайтын болды. Билеттер барлық әуе билеттерімен айналысатын агенттіктерде сатылып жатыр. Кез келген сайтқа кіріп қарауға болады. Ұшақтар сейсенбі және демалыс күндерінің бірінде ұшады, – деді "Аэропорт Павлодар" АҚ басқарма төрағасы Марат Шишов.
Оның айтуынша, билет бағасы 30 000 теңгеден төмен болмайды. Тікелей рейстердің кеңсесі Новосібір қаласында орналасқан "S7 Airlines" әуе компаниясы арқылы жүзеге асырмақ.
Үлкен әуе кемелері шығынды ақтамайтындықтан, аталған бағытқа 80 орындық шағын "Embraer" ұшақтары жіберіледі.
