Зиянды өндірісте жұмыс істейтін мыңдаған адам зейнеткерлікке 50 жасында шығуы мүмкін
12 Желтоқсан, 2017 15:12
Қарағанды облысында зейнетақы мөлшерін қажеттігінше жинаған мыңдаған адам 50 жасында зейнеткерлікке шығады, деді еңбек және әлеуметтік қорғау министрі Тамара Дүйсенова Үкімет отырысында.
Тамара Дүйсенова айтып өткендей, өткен жылы зиянды өнеркәсіпте жұмыс істеген 362 адам 50 жасында зейнеткер атанды.
«Қажетті зейнетақы мөлшері турасына келсек, зиянды емес өнеркәсіпте жұмыс істейтін адамдар өз үлесіне тек 10 пайызын ғана салады. Ал, зиянды өнеркәсіпте жұмыс істейтін жұмысшыларға жұмыс беруші өз тарапынан 5 пайыз қосады. Демек, барлығы 15 пайызды құрайды. Сондай-ақ, «Арселор Миттал», «Казақмыс» қызметкерлері 50 жаста зейнеткерлікке шығады», - деді ведомство басшысы.
Министр айтып өткендей, қызметкерлердің зейнеткерлігі заңнамасымен реттелген .
Ақбота Күзекбай
